أغرب حالات الطلاق

محتويات

• أغرب حالات الطلاق حول العالم
• أغرب حالة طلاق

الطلاق شئ ممكن يحصل لاسباب كتيرة بين الازواج وبيحصل فى كل انحاء العالم بس من اغرب حالات الطلاق اللى لقيناها

أغرب حالات الطلاق حول العالم

مثلا طلق راجل عروسته فى شهر العسل والسبب انه اكتشف انها خدعته بالمكياج لان مكياج العروسة ساح ورموشها الصناعية  وقعت  وهما بيستمتعو بيوم جميل من ايام شهر العسل على البحر

وفى زوجة طلبت الطلاق وكان السبب اللى قالته للقاضى ان زوجها بيعتبر حياتها المهنية هواية ومش بيهتم بمهنتها وده خلاها تتضايق....ما الاهتمام مابيطلبش صحيح

وبجملة الاهتمام فى زوجة من تيوان طلبت الطلاق لانها كانت بتبعت لزوجها رسايل كتير والبية ماكانش بيرد عليها ولما بعتتله رسالة انها فى المستشفى برضه ماردش عليها فقررت الطلاق

فى الهند بقا حكمة المحكمة لصالح زوجه بالطلاق لان زوجها البيه الراجل مكانش راضى يبنى حمام فى بيتهم وكان بيخليها لما تحب تعمل حمام تروح لاقرب ارض زراعية جمبهم ..راجل هندى صحيح  

فى امريكا بقى بلد الحرية والديموقراطية طلبت  زوجه عندها 73 سنه الطلاق من زوجها اللى بقالهم متجوزين ٢٢ سنه ،  بعد ما اتاكدت  أنه ادى صوتة لدونالد ترامب فى الانتخابات، وقالت: حسيت ان انا كنت بخدع نفسى واتشرخ كل الى كان بنا .... قلبى عندك ياحبيبتى الخيانة مابتجيش غير من اقرب الناس صحيح

أغرب حالة طلاق

بس اغرب طلاق بقى بجد هو طلاق المحامى الامريكى  (جابريال ڤيلا ) راجل غنى جدا قابل بنت اصغر منه ب٣٠ سنه طبعا هى حبته علشان بيحتويها مش علشان فلوسه المهم بعد حوالى ٢٠ سنه طلبت الطلاق وطبعا بموجب الطلاق ده هتاخد نص ممتلكاته وفلوسه لكنها اكتشفت ان المحامى المحترم مطلقها اصلا  وده كان بعد ٤ شهور بس من جوازهم لما كانو فى رحلة فى جمهورية الدومينيكان و هتقولى اشمعنى جمهورية الدومينيكان هقولك  ده لان المحامى العقر كان عارف ان الطلاق فى الدومينيكان مابيديش الزوجه حق فى ثروة الزوج طبعا الست انهارت وبقت بدل مابترفع دعوى للطلاق رفعت دعوى ببطلان الطلاق القديم بس بعد ايه..... ده احتواها بصحيح ....علشان تعرفو باقى حكايتنا اعمل سبسكريب وفعل زرار الجرس وطبعا متنسوش الليك والشير