محتويات
- أصل تسمية العرب بكلمة عرب
- اهم تفسيرات العلماء
- تقسيم اصول العرب
- القسم الاول هم العرب البائدة
- القسم الثانى هم العرب العاربة
- القسم الثالث هم العرب المستعربة
- اراء المؤرخين
سيدنا ادم هو ابو البشرية الاول ولكن بعد حادث طوفان سيدنا نوح ونجاة سيدنا نوح فقط هو واللى كانو معاه فى السفينه ..فابيعتبر سيدنا نوح هو ابو البشرية التانى واللى بينحدر كل البشر من نسله ونسل اولاده وهم
- سام
- حام
- يافث
- كنعان أو يام ..وهو الابن اللى لم يؤمن وماركبش السفينه
علشان كده بتأتى البشرية من نسل أولاد سيدنا نوح والعرب على وجه التحيد بينحدرو من نسل سام علشان كده اطلق علية ابو العرب طيب جت منين تسمية العرب (عرب)
أصل تسمية العرب بكلمة عرب
اقدم ذكر للفظ عرب او اعراب جه فى النصوص الاشورية فى نص الملك الأشورى شلم نصر الثالث فى القرن الثامن قبل الميلاد وكان بيشار باللفظ هنا الى سكان البادية فى جنوب الشام والعراق اللى هى شبة الجزيرة العربية وكانت شبة الجزيرة العربية بتسمى ارض العرب
اهم تفسيرات العلماء
اختلف العلماء فى مدلول الكلمة ومصدرها وكان اهم التفسيرات اللى اتقالت
ابن تيمية مثلا قال ان اسم العرب كان اسم لناس جمعة ٣ اوصاف انهم بيتكلم العربية ومن اولاد العرب ومكانهم ارض العرب
لكن الكتاب الاوائل لما بداو يدرسو كلمة عرب التزمو بمنهج علم الانساب وبعلم الانساب يبقى العربية منسوبة الى يعرب بن قحطان وتعتبر الكلمة مشتقة من اسمه وبيعتبر يعرب ابن قحطان اول من اعرب لسانه وتعلم اللغه العربية منه اخواته وابناء اعمامة اللى تركو بابل وسكنو جمبة فى اليمن ويعتبرو هما دول القحطانيوين
وفى علماء قالو ان كلمة عرب مشتقة من اصل سامى قديم لان سكان مابين النهرين اطلقو على الناس اللى كانت بتقيم فى البادية اسم عريبى
وفى من الباحثين اللى قالو ان كلمة عرب مشتقة من كلمات عبرية ليها صلة بالبادية زى مثلا أرابا واللى معناها الارض الداكنه وفى اللى رجعها لكلمة أرب ومعناها الحرية وعدم الخضوع لنظام وكلمة عرابة اللى معناها الجفاف والصحراء استخدمها العرب نفسهم ومنها جت تسمية وادى العربة اللى بيمتد من البحر الميت الى خليج العقبة
ولكن تاريخيا ظهرت ممالك للعرب قبل الميلاد فمثلا هنلاقى مملكة لحيان فى القرن الرابع قبل الميلاد ومملكة كنده فى القرن الثانى قبل الميلاد
تقسيم اصول العرب
المؤرحين قسمو العرب الى ٣ اقسام رئيسية
القسم الاول هم العرب البائدة
وهم اصل العرب اللى كانو بيتكلمو بالعربية واتسمو العرب البائدة لانهم هلكو ومفضلش منهم الا مجموعة من القصص والاخبار
وهم قوم عاد وثمود اللى اهلكهم الله زى ماعرفنا من القرأن الكريم وجديس وجاسم وعبيل وجرهم الاولى . وغيرهم وكانوا من أقدم القبائل العربية التي ظهرت على وجه الأرض. وكانوا متواجدين في الشام ومصر والحجاز والبحرين وابيدو بسبب عواكل طبيعية.
القسم الثانى هم العرب العاربة
يعتبر هؤلاء القبائل هم العرب القحطانيون الذين ينتمون إلى نسل قحطان والمعروف باسم قحطان بن عابر بن سالم.
و بيتفق عدد كبير من الرواة في أن قحطان هو الأب الاول لمنطقة اليمن بشكل كامل.
و يعرب بن قحطان هو الى جه بعد والده في الملك واستطاع أن يحكم اليمن بأكملها. وكتير من العلماء والمؤرخين بياكدوأنه أول شخص تحدث باللغة العربية زى ماقولنا .
القسم الثالث هم العرب المستعربة
وهما القبائل العربية اللى بتنتمي إلى نسل سيدنا اسماعيل عليه السلام.
و بيتم تسميتهم في بعض الروايات العرب المتعربة، أو العدنانيون.
وبيطلق عليهم ابن خلدون العرب المستعربين لانهم اندمجو مع قبائل العرب العاربة. واخدواللغة العربية منهم، فسيدنا اسماعيل علية السلام خالط قبيلة جرهم العربية الاصيله وتعلم منهم اللغة العربية
وبما ان مكة كانت المنشأ الأول لسيدنا اسماعيل ونسله.
اراء المؤرخين
وبيقول المؤرخين انه انجب عدد من الابناء فى حدود ١٠ ابناء وان عدنان بينتمى الى نسل سيدنا اسماعيل وهو الاب الاكبر للعدنانيين واللى بيأتى سيدنا محمد علية الصلاة والسلام من نسلة ومكانهم كان منظقة تهامة فى مكة وصعوبة الحياه هى اللى اجبرتهم على الترحال والتفرق لمناطق مختلفة فى شبة الجزيرة العربية
إرسال تعليق