محتويات
- البحث عن هوية صاحب الجثة
- الاشياء المريبة المتعلقة بالرجل المجهول
- المفاجأة التى حيرت الشرطه
- بيتر بيرجمان الرجل المجهول
البحث عن هوية صاحب الجثة
طبعا الشرطه بدات توسع دايرة البحث مالازم يعرفو دى جثة مين لحد ماوصلو لسواق تاكسى اللى اتعرف على الجثه وقال انه اخد الراجل ده من فندق سيلجو سيتىطبعا الشرطه راحت على فندق سيلجو سيتى علشان يتاكدو وفعلا فى الفندق بيتعرفو على صورة الراجل وبيأكدو للشرطه ان الراجل ده فعلا جه من ٣ ايام واسمه بيتر بيرجمان وسجل عنوانه الاساسى فى النمسا وموظف الاستقبال قال للشرطه ان الراجل كان ليه لكنه المانية ظاهرة فى طريقة كلامة
ولما الشرطه فحصت كاميرات المراقبه اتاكدت من ان الراجل ده كان نزيل الفندق فعلا
الاشياء المريبة المتعلقة بالرجل المجهول
لكن وهما بيتتبعو الراجل ده خلال ال٣ ايام على كاميرات المراقبه كان فى حاجه غريبة شويه بيتر بيرجمان كان بيخرج من الفندق معاه كيس من البلاستيك مليان حاجه مش واضحه وكان بيرجع منغيرة لكن باقى تحركاته كانت شبه العادية ماعدا طريقة تحركه نفسها بين اماكن كاميرات المراقبة ظباط الشرطه كانو حاسين ان الراجل ده بيتخرك بطريقه غامضة وكانه حافظ مكان كل كاميرا وحاسب زاويتها وعارف امتى هتلقطه الكاميرا وامتى مش هايكون ظاهرغير كده كان كل شئ عادى بيخرج يركب تاكسى يروح يعوم فى شط ويرجع عادى جدا
فى ٣ يوم فى الفندق طلب بيتر بيرجمان تسجيل خروج ودفع الحساب كاش وكان معاه لاب توب وكيس بلاستيك مليان وشنطة صغيره الشنطه اللى لقوها قريبة من مكان الجثة
مع تتبع خط سيره عرفو انه راح موقف اتوبيسات وقعد فى كفيتريا هناك وشرب قهوته
وكان ده واضح فى كاميرات الكافيتريا وكان كل شوية يمسك ورقة بيخرجها من جيبة ويفضل يبص فيها وبعد كده يشيلها تانى وفى الاخر قطع الورقه ورماها وركب اتوبي ومشى
المحصله النهائية ان بيتر خرج من الفندق فىحدود ١٣ مره كل مرة فيهم كان معاه شنطة بلاستك مليانه وكل مره كان بيرجع منغيرها وزى ماقولنا تحركاته على الكاميرات كانت مريبة
لحد هنا وده شئ يعتبر عادى
المفاجأة التى حيرت الشرطه
اللى مش عادى ان لما الشرطة سألت السفارة النمساوية عن بيتر بيرجمان كان رد السفارة غريب.......معندهمش اى معلومه او اى وثائق عن شخص اسمه بيتر بيرجمان لا والعنوان اللى قاله فى الفندق مش موجود فى الحقيقة من الاساسلما اتعمل تشريح للجثة اكتشفو ان صاحب الجثة كان عنده مجموعة من الاورام السرطانية وامراض فى القلب لكن ماكانش بياخد اى علاج للامراض دى ومالوش اى بيانات فى اى قاعدة بيانات
فى النهاية توصلت الشرطه ان الراجل الغريب كان جاى يموت فى المدينه دى بس مقدروش يوصلو لاى معلومه عنه او عن شخصيته الحقيقية لحد دلوقتى ..وده بجد حتى لما نشرو صورة فى الجرايد وفى اكبر المواقع الاخبارية العالمية على الانترنت مافيش معلومه واحده ظهرت عنه
بيتر بيرجمان الرجل المجهول
وده اللى خلى محبين القصص المشوقة زى حالتنا يحطو شوية فرضيات كدهفى اللى قال انه ممكن يكون رجل مخابرات من دوله معينه وقرر ينتحر فمافيش حد هايوصل للمعلومات عنه
وفى اللى قال مايمكن يكون راجل من رجال العصابات
فى بقى اللى راحت منهم على الاخر وقالو انه جاى من كوكب تانى او انه مسافر عبر الزمن ...
كل ده كلام وافتراضات لكن الحقيقة الوحيده ان الراجل ده مات فى مدينة سيلجو الايرلندية من ١٢ سنه ولحد دلوقتى ماحدش عارف هو مين ولا جنسيته ايه ولا وصل لمدينة سيلجو اذاى اصلا
إرسال تعليق