محتويات
- نبذة عن مارادونا
- طفولة مارادونا
- بداية المشاركة فى الدورى
- مارادونا فى برشلونة
- مارادونا فى نابولى
- مارادونا والمنتخب الارجنتينى
- مشاكل مارادونا
- الكنيسة المارادونية
- وفاة مارادونا
طفولة مارادونا
اول هدية جت لمارادونا كانت وهو عنده ٣ سنين وكانت كورة قدم طبعا وفضل مارادونا مرتبط بالكوره من ساعتهاوهو عنده ٨ سنين شافه واحد من مكتشفين المواهب وهو بيلعب فى نادى الحى وخده وخلاه يلعب مع نادى ارجنتينوس جونيورز الى فى خلال كام سنه مارادونا بقى لا عب اساسى فى فريق الناشئين فى النادى وكان نجم الفريق وهو عنده ١٢ سنه
ومن قدرة مارادونا على التحكم بالكره كانو بيخلوه يعمل استعراض بالكره بين الشوطين فى مباريات الدرجه الاولى .....وكانت الناس وقتها بتوصفه بالساحر
بداية المشاركة فى الدورى
سنة ٧٦ شارك مارادونا لاول مره مع ارجنتينوس جونيورز ضد تاليريس كوردوبا فى دورى الدرجه الاولى الارجنتينى وكان فاضل ١٠ ايام ويكمل مارادونا ١٦ سنه وساعتها كان اصغر لاعب يشارك فى دورى الدرجه الاولى الارجنتينى وطبعا لان مارادونا لعيب مش عادى فماكانش ينفع اول مشاركه ليه تكون عاديه ....بعد دقايق من دخوله الملعب قدر يرقص لعيب كبير زى خوان كابريرا ولبسه كوبرى ...وده كان اشهر كوبرى فى تاريخ النادى ...واول جون سجله كان بعدها بحوالى ٣ اسابيع ضد فريق سان لورينزو .....لعب مارادونا مع ارجنتينوس جونيورز لمدة ٥ سنين لعب فيهم ١٦٧ مباراه وسجل فيهم ١١٥ هدف
وبعدها جاله عروض كتير من انديه كتيره لكنه اختار يلعب مع فريق بوكاجونيور وانتقله ب ٤ ملاين دولار امريكى ....رغم ان كان فى عروض اكبر من نوادى تانيه الا ان مارادونا كان بيعتبر فريق بوكا جونيور هو فريق احلامه فى الوقت ده
ولعب اول مباراه مع النادى بعد يومين من انتقاله ليه وسجل فيها هدفين مهمين وفازو بنتيجة ٤-١ على تاليريس كوردوبا
وفى الموسم ده قدر فريق بوكاجونيور يفوز بلقب الدورى الارجنتينى
وده اللانجاز الوحيد لمارادونا فى الدورى المحلى الارجنتينى ......لانه مقعدش فيه بعد كده
مارادونا فى برشلونة
بعد كاس العالم ٨٢ مباشره اتنقل مارادونا لاسبانيا ولبس القميص الكتالونى ....صفقه تاريخيه فى وقتها برشلونه دفع فى مارادونا ٧.٦ مليون دولار امريكى وسنة ٨٣ فاز برشلونه بكاس السوبر الاسبانى ضد اتليتكو بلباو و بكأس الملك فى مباراه تاريخيه على ريال مدريد وفى المباراه دى بعد جون عالمى من مارادونا اجبر مارادونا جماهير الريال على التصقيف ليه وكانت اول مره تحصل فى تاريخ الكره الاسبانيهكان الكل فاكر ان مارادونا هيفضل فى بارشلونه وهيتالق مع النادى لفتره طويله لكن ده ماحصلش بدات الاصابات مع مارادونا فى سبتمبر ٨٣ جاله كسر فى الكاحل بعد وقتها عن الملعب لمدة ٣ شهور
وفى نهاية موسم ٨٣ -٨٤ حصلت الخناقه التاريخيه فى نهائى كاس الملك فى اسبانيا ضد اتليتك بلباو
وكان بيحضر المباراه اللى اتقلبت خناقه فى حدود ١٠٠ الف متفرج وملك اسبانيا ...كانت كارثه وطبعا كان نجم الخناقه هو مارادونا وانتهت الخناقه باصابة ٦٠ شخص بجروح وبخروج مارادونا من برشلونه ومن اسبانيا كلها ... لعب مارادونا مع برشلونه ٥٨ مباراه سجل فيهم ٣٨ هدف
مارادونا فى نابولى
يوليو ٨٤ وصل مارادونا نابولى فى صفقه قيمتها ١٠.٥ مليون دولار صفقه خرافيه فى وقتها ومشجعين نابولى كانو مقتنعين وقتها ان مارادونا هو المنقذ اللى كانو مستنينه وده اللى حصل فعلا لان قبل ما يجى مارادونا كانت الكره الايطاليه مسيطر عليها انديه الشمال زى ميلان ويوفنتوس ورومالكن بعد وجود مارادونا فى نابولى الوضع ده اتغير ...
بقيادة مارادونا، فاز نابولي بأول بطولة إيطالية على الإطلاق في دوري الدرجة الأولى الإيطالي في 1986–87. وانفجرت سلسلة من الاحتفالات في الشوارع بشكل معدي في جميع أنحاء المدينة في كرنفال على مدار الساعة استمر لأكثر من أسبوع. انقلبت الدنيا فى نابولى . ألناس عملت جنازات وهمية ليوفنتوس وميلان، وأحرقوا توابيتهم، ، وأن الشمال خلاص اتهزم ،ورسمو الجداريات لمارادونا على المباني القديمة بالمدينة، وتم تسمية الأطفال المولوده على اسمه
فاز نابولي بلقب الدوري الثاني في موسم 1989–90، واحتل المركز الثاني في الدوري مرتين، في موسمي 1987–88 و1988–89.[53] ومن بين الألقاب الأخرى خلال حقبة مارادونا في نابولي كأس إيطاليا 1987 (بالإضافة إلى المركز الثاني في كأس إيطاليا 1989)، و كأس الاتحاد الأوروبي 1989، وكأس السوبر الإيطالي 1990.
مارادونا والمنتخب الارجنتينى
مارادونا ومنتخب الارجنتين فى الفتره دى مارادونا لعب مع منتخب الارجنتين فى حوالى ٤ بطولات كاس عالم بدايه من كاس العالم ٨٢ الى كاس العالم ٩٤ وكان اهمهم كاس العالم ٨٦ وكاس العالم ٩٤فى كاس العالم ٨٦ فى المكسيك واللى فازت بيه الارجنتين بقيادة مارادونا الغريب ان اشهر ماتش فى البطوله ماكانش ماتش الارجنتين والمانيا الغربيه فى النهائ لا كان ماتش الارجنتين وانجلترا فى الدور ربع النهائ اللى انتهى بفوز الارجنتين ٢-١ على انجلترا والهدفين جابهم مارادونا والهدف الاول هو الهدف الاكثر اثاره للجدل فى تاريخ كرة القدم الهدف اللى اتسمى يد الرب ....بس هو كان بأيد ماردونا مش بيد الرب ولا حاجه وقتها طبعا مارادونا قال ان الهدف كان براسه وايده لكن بعد سنين اعترف ان الهدف كان بأيده ومالمسش راسه وان الحكم على ابن ناصر التونسى مااخدش باله الغريب ان الهدف التانى لمارادونا فى المباراه التاريخيه دى كان برضه هدف تاريخى لانه اتصنف بانه اعظم هدف فى تاريخ كاس العالم وخد هدف القرن فى تصويت سنة ٢٠٠٢ من الفيفا واتقال على الهدف انه سادس اعظم لحظه رياضيه واتصنف اداء مارادونا فى البطوله دى انه كان اعظم اداء للاعب فى بطوله وانه الو لاعب يسيطر لوحده على بطوله كبيره وفى رياضين كبار قالو ان مارادونا هو لوحده اللى جاب كاس العالم ٨٦ للارجنتين
وبتيجى بعدها بطولة كاس العالم ٩٠ اللى اتصاب فيها مارادونا فى البدايه واثرت الاصابه على ادائه وعلى منتخب الارجنتين عموما اه الارجنتين وصلت للنهائ لكن خسرته قدام المانيا الغربيه بنتيجه ١-٠ لصالح المانيا الغربيه
فى كاس العالم ٩٤ لعب مارادونا مبارتين بس وسجل هدف واحد لانه رجع الارجنتين بعد ما اثبت انه بيتعاطى المنشطات وطردته الفيفا من البطوله ويعتبر انتهت مسيرته الكرويه فى البطوله دى فضل يلعب لانديه فتره منهم اشبيليه ورجع بوكاجونيور فى الاخر
وفى ٢٠٠١ اتعملت مباراة الاعتزال لمارادونا وكانت بين نجوم العالم ومنتخب الارجنتين بعديها اتجه للتدريب وكان ليه محاولات مع انديه مش افضل الانديه ولكن قدر يمسك تدريب منتخب الارجنتين فتره وكان المدرب فى كاس العالم ٢٠١٠ فى جنوب افريقيا لكن مقدرش يوصل بفريقه للنهائى ودى كانت اخر بطوله مع منتخب الارجنتين كمدرب
مشاكل مارادونا
للاسف مارادونا مكانتش اول مشاكله المنشطات لا مارادونا كان مدمن كوكاين وده بدا معاه من سنة ٨٣ لما كان فى برشلونه وفضل مدمن للكوكايين حتى سنة ٢٠٠٤ تقريبا وده اثر على حالته الصحيه وعلى وزنه ده غير مشاكله الشخصيه ورفضه الاعتراف بأبنه الايطالى دييغو سيناغرا اللى اتولد فى نابولى سنة ٨٦ ورجع اعترف بيه سنة ٢٠٠٣فى حياته كان لرادونا علاقات كتيره جدا بناس كتير جدا فمثلا كانت بتجمعه صداقه بفيدل كاسترو اللى اتقابل معاه بعد كاس العالم ٨٦ وكانت بتجمعهم علاقة صداقه قويه جدا
وطلعت اشاعات كتيره عن علاقة مارادونا بامبراطور المخدرات بابلو اسكوبار وان مارادونا لعب مباراه وديه مع مجموعة لعيبه اشهرهم هجيتا وانه اخد مقابل مادى كبير فى المباراه السريه دى اللى كانت فى قصر بابلو اسكوبار
الكنيسة المارادونية
الحقيقه ان مارادونا كان ظاهره اثرت فى كل اللى عاصرهمارادونا اول واخر لاعب كره يتعمل ديانه وكنيسه باسمه ...فعليا فى مدينة روساريو بالأرجنتين اسس محبو مارادونا كنيسه سموها الكنيسه المارادونيه فى ٣٠ اكتوبر سنة ١٩٩٨ وبيحتفلو كل سنه بالكريسماس المارادونى يوم عيد ميلاد مارادونا
إرسال تعليق