قصة نبى الله ابراهيم مع زوجتة هاجر وابنة اسماعيل

تعرف ايه هى قصة نبى الله ابراهيم مع زوجتة هاجر وابنة اسماعيل
سيدنا ابرهيم علية السلام ليه منزله فريده فى الاسلام والمسيحية واليهودية لان كل نبى جه بعده هو من زريته وده لقوله تعالى فى صورة العنكبوت اية ٢٧ (وَجَعَلْنَا فِي ذُرِّيَّتِهِ النُّبُوَّةَ وَالْكِتَابَ)

زواج سيدنا ابراهيم من السيده هاجر

بعد ماكبر سيدنا ابراهيم علية السلام فى العمر وكبرت زوجتة السيده سارة وبقت غير قادرة على الانجاب وماكانش لسيدنا ابراهيم عليه السلام اولاد
دعا سيدنا ابراهيم الله ان يرزقة بولد صالح فتزوج سيدنا ابراهيم علية السلام بالسيده هاجر بمباركة السيدة سارة
وانجبت هاجر لابراهيم علية السلام ولد سماه اسماعيل  ومعنى اسم اسماعيل هو سيمع الله او مطيع الله

الذهاب الى مكة

بعد ولادة هاجر لاسماعيل عليه السلام بدأت الغيره فى نفس السيده ساره وطلبت من سيدنا ابراهيم انه يبعد عنها هاجر وابنها اسماعيل  وده اللى حصل اخد سيدنا ابراهيم علية السلام هاجر وابنها اسماعيل وسافر بيهم الى مكة وكانت مكة فى الوقت ده مكان صحرا لازرع فيها ولا ماء وغير مسكونه بالبشر وتركهم فيها سيدنا ابراهيم ومكانتش السيده هاجر تملك غير قليل من الاكل والمياه
ولما سيدنا ابراهيم سابهم سالته السيدة هاجر ...هتتركنا لمين فى الصحراء الموحشه دى فرد عليها سيدنا ابراهيم بانه هيتركها هى وابنها لله ....فردت بانها راضية بأمر الله وواثقة بأن الله لن يضيعها هى وابنها
وتركهم سيدنا ابراهيم وكان بيدعى لهم الله ان يحافظ عليهم  وان يرزقهم كما ورد فى سورة ابراهيم اية ٣٧
(رَبَّنَا إِنِّي أَسْكَنتُ مِنْ ذُرِّيَّتِي بِوَادٍ غَيْرِ ذِي زَرْعٍ عِنْدَ بَيْتِكَ الْمُحَرَّمِ رَبَّنَا لِيُقِيمُوا الصَّلاةَ فَاجْعَلْ أَفْئِدَةً مِنْ النَّاسِ تَهْوِي إِلَيْهِمْ وَارْزُقْهُمْ مِنْ الثَّمَرَاتِ لَعَلَّهُمْ يَشْكُرُونَ)
وبعد فتره خلص الطعام والماء من السيده هاجر ومعها ابنها الرضيع اسماعيل اللى اشتد بيه الجوع هو كمان
فبدات تدور على اى مساعده او اى شخص يكون بيمر بالمكان حتى من بعيد ينجدها فبدات تتحرك بين جبلين اللى هما الصفا والمروه يمكن تشوف اى حاجه او اى شخص من بعيد تستنجد بيه ولما تمت سبع مرات بين الجبلين
ودعت ربنا ينقذها هى ورضيعها

استجابة الله لدعاء السيده هاجر

فجاه بتتفجر عين من الماء تحت اقدام رضيعها اسماعيل علية السلام ..فبدات تشرب وتسقى رضيعها واتسمت العين عين زمزم .... ولما اتوجد الماء فى المكان بدأت الطيور تحوم حوالين المكان وشاف المنظر مجموعة من العرب كانو على بعد من المكان  ووصلو لمكان السيده هاجر واستاذنوها انهم يسكنو جمبها وجمب عين الماء وطبعا هى وافقت وبدأيجى غيرهم ويستقرو فى نفس المكان ونشأ سيدنا اسماعيل وسطهم وعاشت السيده ساره وماتت فى هذا المكان

رفع قواعد الكعبة  

ولما امر ربنا سيدنا ابراهيم برفع قواعد الكعبة وكان كاى اب متشوق لرؤية ابنه سافر سيدنا ابراهيم ووصل الى مكه وقابل سيدنا اسماعيل وعرفه بامر ربنا برفع قواعد الكعبة وبالفعل كان سيدنا اسماعيل خير مطيع لامر الله ولامر ابوه ورفعو قواعد الكعبة واتمو بنأها

رؤيا ذبح سيدنا ابراهيم ابنة اسماعيل

وجه اليوم اللى سيدنا ابراهيم رأى فية روئية انه بيذبح ابنه اسماعيل وقام سيدنا ابراهيم وحكى الرؤية لابنه
كما ورد فى سورة الصافات اية ١٠٢
(يَا بُنَيَّ إِنِّي أَرَى فِي الْمَنَامِ أَنِّي أَذْبَحُكَ فَانظُرْ مَاذَا تَرَى)
فيرد سيدنا اسماعيل عليه السلام على ابوه وهو طائع لامر ربه وامر ابية كما ورد فى سورة الصافات اية ١٠٢(يَا أَبَتِ افْعَلْ مَا تُؤْمَرُ سَتَجِدُنِي إِنْ شَاءَ اللَّهُ مِنْ الصَّابِرِينَ)
فى اللحظه اللى كان سيدنا ابراهيم هينفذ امر ربنا ويذبح
 ابنه اعز الناس لقلبة  ربنا ناداه وقاله ان الرؤية كانت اختبار ليه و فدا ابنه بذبح عظيم ومن هنا جات سنة

الاضحية فى الحج

كما ورد فى سورة الصافات من الاية ١٠٤ الى ١٠٨
 وَنَٰدَيۡنَٰهُ أَن يَٰٓإِبۡرَٰهِيمُ (104) قَدۡ صَدَّقۡتَ ٱلرُّءۡيَآۚ إِنَّا كَذَٰلِكَ نَجۡزِي ٱلۡمُحۡسِنِينَ (105) إِنَّ هَٰذَا لَهُوَ ٱلۡبَلَٰٓؤُاْ ٱلۡمُبِينُ (106) وَفَدَيۡنَٰهُ بِذِبۡحٍ عَظِيمٖ (107) وَتَرَكۡنَا عَلَيۡهِ فِي ٱلۡأٓخِرِينَ (108) سَلَٰمٌ عَلَىٰٓ إِبۡرَٰهِيمَ

ماذا حدث للذبح العظيم

اما عن الذبح العظيم اللى ورد ذكره فى القرأن فاختلف العلماء فى من فين جه وايه اللى حصل فيه بعد الذبح
فمنهم اللى قال انه كبش من الجنه وهو نفس الكبش اللى قدمه ابن سيدنا ادم كقربان لله ولكن مافيش اى دليل قرأنى على الافتراض ده
ومنهم اللى قال انه كبش من كباش الجبال هبط على سيدنا ابراهيم
لكن برضه مافيش اى دليلل وكلها فرضيات
اما اللى حصل للكبش بعد الذبح ففى من العلماء قال تم رفعة للسما وفى اللى قال ان سيدنا ابراهيم اكله هو واهل بيته
وفى اللى قال انه اعطاه لغيره من الناس وفى اللى قال كمان انه سابة للوحوش والطيور تاكل فيه
ولكن الرأى الاقرب هو ان مصيره كان ذى مصير اى اضحيه بيضحى بيها المسلمين الى وقتنا الحاضر 


أضف تعليق

أحدث أقدم